జులై 1న ‘పక్కా కమర్షియల్‌’

గోపిచంద్‌ కథానాయకుడిగా నటించిన ‘పక్కా కమర్షియల్‌’ విడుదల తేదీ ఖరారైంది. జులై 1న చిత్రాన్ని విడుదల చేస్తున్నట్లు చిత్రబృందం ప్రకటించింది. కరోనా కరుణిస్తే మే 20న విడుదల చేస్తామని చెప్పినప్పటికీ, విడుదల తేదీ విషయంలో మార్పు జరిగింది. మారుతి దర్శకత్వంలో రూపొందిన ఈ చిత్రంలో గోపీచంద్‌ న్యాయవాది పాత్రలో కనిపిస్తుండగా, రాశిఖన్నా సీరియల్‌ నటిగా కనిపిస్తారు. అల్లు అరవింద్‌ సమర్పణలో బన్నీవాస్‌ నిర్మాతగా తెరకెక్కిస్తున్నారు.