‘వైఎస్‌ఆర్‌ సున్నా వడ్డీ’ పథకాన్ని జమ చేసిన సిఎం జగన్‌

ఆంధ్రప్రదేశ్‌లో పొదుపు సంఘాల మహిళలకు వరుసగా రెండో ఏడాది కూడా ‘వైఎస్‌ఆర్‌ సున్నా వడ్డీ’ పథకాన్ని సిఎం జగన్‌ జమ చేశారు. శుక్రవారం ఆన్‌లైన్‌ ద్వారా బ్యాంకు ఖాతాల్లో లబ్దిదారులకు డబ్బు జమ చేశారు. ఈ సందర్భంగా సిఎం మాట్లాడుతూ… 1.02 కోట్ల మందికిపైగా పొదుపు సంఘాల అక్కాచెల్లెమ్మలకు ఈ పథకం ద్వారా లబ్ధి చేకూరుతుందన్నారు. పొదుపు సంఘాల మహిళలు బ్యాంకుల నుంచి తీసుకున్న రుణాలపై ప్రతి నెలా వడ్డీని రాష్ట్ర ప్రభుత్వమే భరిస్తూ వరుసగా రెండో ఏడాది కూడా చెల్లించిందని చెప్పారు.