జగనన్న టౌన్షిప్లుగా ఇకపై ప్రభుత్వ భూములు వినియోగంలోకి రానున్నాయి. దేవదాయ, ధర్మాదాయ, విద్యాశాఖ, విద్యాసంస్థలు, వక్ఫ్, ఇతర ధార్మిక సంస్థల భూములు మినహా ఇంతవరకు ప్రభుత్వ వాడుకలో లేని ఖాళీ భూములను జగనన్న టౌన్షిప్లుగా వాడుకోనున్నారు. ఈ విషయాన్ని ధ్రువీకరిస్తూ… రెవెన్యూశాఖ ముఖ్యకార్యదర్శి వి.ఉషారాణి తాజాగా ఉత్తర్వులు (193) జారీ చేశారు. ప్రభుత్వ శాఖల వద్ద ఖాళీగా ఉన్న భూములను గుర్తించి జిల్లా కలెక్టర్ ముందుస్తుగా పొజిషన్ తీసుకొని పురపాలక శాఖకు అప్పగించాలని ఉత్తర్వులలో పేర్కొన్నారు.