నటుడు విష్ణుతో గుత్తాజ్వాల ఎంగేజ్‌మెంట్‌

ప్రముఖ బ్యాడ్మింటన్‌ క్రీడాకారిణి గుత్తాజ్వాల తన ప్రియుడు, నటుడు విష్ణు విశాల్‌తో ఎంగేజ్‌మెంట్‌ చేసుకుంది. ఈ విషయాన్ని విష్ణు తన ట్విట్టర్‌ ద్వారా వెల్లడించారు. జ్వాల 37వ పుట్టినరోజులనే ఎంగేజ్‌మెంట్‌ జరిగిందని ఆయన ట్వీట్‌ చేశారు. ఎంగేజ్‌మెంట్‌కు సంబంధించిన కొన్ని ఫోటోలను షేర్‌ చేశారు. తన ట్వీట్‌లో జ్వాలకు బర్త్‌డే విషెష్‌ చెప్పిన విష్ణు కొత్త జీవితాన్ని కలిసి ప్రారంభిద్దామని అన్నారు. ‘అందమైన భవిష్యత్తు కోసం ఇద్దరం కలిసి కృషి చేద్దాం. మనతోపాటు ఆర్యన్‌, మన కుటుంబాలు, మిత్రులు అందరికీ మంచి భవిష్యత్‌ ఉండేలా పనిచేద్దాం. ఈ కొత్త ఆరంభానికి మీ అందరి అశీస్సులు కావాలి” అని విష్ణు ట్వీట్‌ చేశారు. గతంలో చేతన్‌ ఆనంద్‌ను వివాహమాడిన జ్వాల 2011లో విడాకులు తీసుకున్న విషయం తెలిసిందే.