అఖిల్ అక్కినేని హీరోగా మెగా ప్రొడ్యూసర్ అల్లు అరవింద్ సమర్పణలో జీఏ2 పిక్చర్స్ బ్యానర్పై తెరకెక్కుతోన్న చిత్రం ‘మోస్ట్ ఎలిజిబుల్ బ్యాచిలర్’. బొమ్మరిల్లు భాస్కర్ దర్శకత్వం వహిస్తున్నారు. బన్నీవాసు, వాసు వర్మ సంయుక్తంగా నిర్మిస్తున్నారు. ఈ సినిమాలో అఖిల్ సరసన పూజా హెగ్డే హీరోయిన్గా నటిస్తున్నారు. ఈ సినిమాలోని అఖిల్ లుక్ను ఇప్పటికే విడుదల చేశారు. మోస్ట్ ఎలిజిబుల్ బ్యాచిలర్ వేసే ఏడడుగుల్లో ఒక అడుగు ఇదోగనంటూ ఫస్ట్ లుక్ పోస్టర్ను ఈనెల 8న వదిలారు. ఇప్పుడు మోస్ట్ ఎలిజిబుల్ బ్యాచిలరేట్గా పూజా హెగ్డే లుక్ను విడుదల చేశారు.
ఈ సినిమాలో పూజా హెగ్డే విభ పాత్రలో నటిస్తున్నారు. ఫస్ట్ లుక్ పోస్టర్లో పూజా హెగ్డే చాలా అందంగా కనిపిస్తున్నారు. రెండు చేతుల్లో షూలు పట్టుకుని మనకు వాటిని చూపిస్తున్నట్టు ఉంది ఈ లుక్. దీన్ని రెండో అడుగుగా చిత్ర యూనిట్ చెబుతోంది. మొత్తం మీద వెరైటీ పోస్టర్లతో సినిమాపై అంచనాలను పెంచుతున్నారు.