‘బింబిసారుడు’గా కళ్యాణ్‌రామ్‌

నందమూరి కళ్యాణ్‌రామ్‌ హీరోగా, నిర్మాతగా ప్రయోగాలు చేయడంలో ఎప్పుడూ ముందుంటారు. తాజాగా ఆయన మరో ప్రయోగాత్మక చిత్రంతో ముందుకువస్తున్నారు. ‘బింబిసార’ సినిమాలో ఆయన నటిస్తున్నారు. సీనియర్‌ ఎన్‌టిఆర్‌ జయంతి సందర్భంగా ఈ సినిమా టైటిల్‌ లుక్‌ మోషన్‌ పోస్టర్‌ను చిత్రయూనిట్‌ శుక్రవారం విడుదల చేసింది. క్రూరుడైన బింబిసారుడు ఫోజులో ఠీవీగా కూర్చున్న కళ్యాణ్‌రామ్‌ లుక్‌ చాలా విభిన్నంగా ఉంది. ఈ తరహా పాత్రలో కళ్యాణ్‌రామ్‌ తొలిసారి నటిస్తున్నారు. ఆ పాత్ర లుక్‌, బ్యాక్‌డ్రాప్‌ సినిమాపై ఆసక్తిని పెంచుతున్నాయి.