నాగబాబు వ్యాఖ్యలకు నరేష్‌ కౌంటర్‌..!

మా అధ్యక్ష ఎన్నికలు రసాబాసా అవుతున్న నేపథ్యంలో… సీనియర్‌ నటుడు నాగబాబు నాలుగేళ్లుగా ‘మా’ మసకబారిపోయిందని ఓ మీడియా సమావేశంలో అన్నారు. నాగబాబు వ్యాఖ్యలపై మా అధ్యక్షుడు సీనియర్‌ నరేష్‌ స్పందిస్తూ… ‘నాగబాబు అలా అనడం తనని షాక్‌కు గురిచేసిందని’ అన్నారు. ఇక దీనిపై వివరణ ఇస్తూ.. నాగబాబు నాకు మంచి మిత్రుడు. గత నాలుగేళ్లుగా ‘మా’ అసోసియేషన్‌ చేపట్టిన కార్యక్రమాలన్నింటినీ చిరంజీవి, నాగబాబులకి చెప్పే చేశామని ఆయన మీడియా సమావేశంలో నాగబాబుకి కౌంటర్‌ ఇచ్చారు. ఈ సమావేశంలో మా అసోసియేషన్‌ చేపట్టిన కార్యక్రమాలన్నింటినీ ఆయన వివరించారు. ఇక ప్రకాశ్‌రాజ్‌ నాన్‌లోకల్‌ అన్న ప్రచారంపై మాట్లాడుతూ… ‘ప్రకాశ్‌రాజ్‌ నాకు మంచి మిత్రుడు. మూడు నెలల క్రితమే నాకు ఫోన్‌ చేసి ఈ ఏడాది మా ఎన్నికల్లో పోటీ చేయాలనుకుంటున్నట్లు చెప్పారు. దానికి నేను కూడా.. సినిమాల్లో నటించేవాళ్లు ఎవరైనా పోటీ చేయవచ్చని చెప్పాను.