బాలకృష్ణ కిర్రాక్ లుక్..

నటసింహా నందమూరి బాలకృష్ణ తన అభిమానులకు బ్లాక్ బస్టర్ హిట్ ఇచ్చి చాలా కాలం అవుతోంది. ‘లెజెండ్’ సినిమా తరవాత మళ్లీ ఆ స్థాయి హిట్ బాలకృష్ణ ఇవ్వలేకపోయారు. ‘గౌతమీపుత్ర శాతకర్ణి’ చారిత్రాత్మక చిత్రం అనే పేరు తెచ్చుకున్నా కమర్షియల్‌గా హిట్ కాలేదు. ఇక ఎన్టీఆర్ బయోపిక్ గురించి అందరికీ తెలిసిందే. ప్రతిష్టాత్మకంగా రెండు భాగాలుగా తెరకెక్కించిన ఈ సినిమా తీవ్రంగా నిరాశపరిచింది.

వరుస ఫ్లాపులతో డీలాపడిన బాలయ్యకు మళ్లీ బోయపాటి శ్రీను రూపంలో విజయానికి ద్వారాలు తెరుచుకున్నట్టయ్యింది. బోయపాటితో బాలయ్య సినిమా అంటే బ్లాక్ బస్టర్ పక్కా అనే కాన్ఫిడెంట్‌తో ఆయన అభిమానులు ఉన్నారు. ‘సింహా’, ‘లెజెండ్’ రూపంలో బాలకృష్ణకు బ్లాక్ బస్టర్లు ఇవ్వడమే కాకుండా ఆయన మార్కెట్‌ను కూడా నిలబెట్టారు బోయపాటి. మరి అలాంటి కాంబినేషన్‌లో సినిమా అంటే కచ్చితంగా అంచనాలు భారీగా ఉంటాయి. బాలకృష్ణ అనగానే బోయపాటి కేరింగ్ కూడా మరో స్థాయిలో ఉంటుంది.