తాడిపత్రి మాజీ ఎమ్మెల్యే జేసీ ప్రభాకర్‌ రెడ్డిని పోలీసులు అరెస్ట్‌ చేశారు. శనివారం ఉదయం హైదరాబాద్‌లోని తన నివాసంలో ఆయనతో పాటు కుమారుడు జేసీ అస్మిత్‌రెడ్డిని అనంతపురం పోలీసులు అదుపులోకి తీసుకున్నారు. అరెస్ట్‌ అనంతరం వీరిని హైదరాబాద్‌ నుంచి అనంతపురానికి తరలిస్తున్నారు. బీఎస్‌-3 వాహనాలను బీఎస్-‌4గా రిజిస్ట్రేషన్‌ చేసి అమ్మకాలు సాగించినట్లు తేలడంతో వీరిని పోలీసులు అదుపులోకి తీసుకున్నారు.ఈ వ్యవహారంపై కూపీ లాగగా నకిలీ పత్రాలు సృష్టించి ఇప్పటివరకు 154 వాహనాలు నాగాలాండ్‌లో రిజిస్ట్రేషన్‌ చేయించినట్లు గుర్తించారు. వాటికి సంబంధించిన ఫేక్‌ ఎన్‌ఓసీ, ఫేక్ ...

జేసీ బ్రదర్స్‌ను ట్రావెల్స్ కష్టాలు వెంటాడుతున్నాయి. రవాణాశాఖ అధికారులు, పోలీసుల సంతకాలు ఫోర్జరీ వ్యవహారాన్ని సీరియస్‌గా తీసుకున్న ప్రభుత్వం చర్యలు తీసుకునేందుకు సిద్ధమయ్యింది. జేసీ ట్రావెల్స్‌పై క్రిమినల్ కేసులు నమోదు చేసేందుకు సిద్ధమవుతున్నారు. కేసులు నమోదు చేయాలని పోలీసుల్ని కోరామని రవాణా శాఖ జాయింట్‌ కమిషనర్‌ ప్రసాదరావు తెలిపారు. సుప్రీంకోర్టు పర్యావరణాన్ని రక్షిచేందుకు 2017లో బీఎస్‌-3 వాహనాలు నిషేధిస్తూ తీర్పునిచ్చిందని.. నిబంధనలకు విరుద్ధంగా అనంతపురం జిల్లాలో 68 నిషేధిత బీఎస్‌-3 వాహనాలు గుర్తించారు. వీటిని స్క్రాప్ కింద విక్రయించామని అశోక్‌ లేలాండ్‌ కంపెనీ తమకు ...