కాంగ్రెస్‌ పార్టీ తెలంగాణ ఎంపీ, ఎమ్మెల్యే, ఎమ్మెల్సీల సమావేశం గాంధీభవన్‌లో శనివారం జరగనుంది. కిసాన్‌ కాంగ్రెస్‌ ఆధ్వర్యంలో జరగనున్న ఈ సమావేశంలో రైతు, వ్యవసాయ సంబంధిత అంశాలు, బడ్జెట్‌ సమావేశాలపై చర్చించనున్నారు.

తనకు ప్రాణహాని ఉందంటూ కాంగ్రెస్ ఎంపీ రేవంత్ రెడ్డి దాఖలు చేసిన పిటిషన్‌ను హైకోర్టు విచారణకు స్వీకరించింది. ప్రస్తుతం తనకు 2+2 భద్రత కల్పిస్తున్నారని దాన్ని 4+4కు మార్చడంతో పాటు ఎస్కార్ట్ సదుపాయం కూడా కల్పించాలని రేవంత్ రెడ్డి తన పిటిషన్‌లో కోరారు. దానికి బలమైన కారణాలను వివరించారు. కేంద్ర, రాష్ట్ర ప్రభుత్వాలతో పాటు మై హోం రామేశ్వరరావును కూడా జత చేస్తూ రేవంత్ రెడ్డి ఫిర్యాదు చేశారు.