వెంకీ ‘నారప్ప’ ట్రైలర్‌ విడుదల

విక్టరీ వెంకటేష్‌, సెన్సిబుల్‌ డైరెక్టర్‌ శ్రీకాంత్‌ అడ్డాల కాంబినేషన్‌లో రూపొందిన తాజా మాస్‌ ఎంటర్‌టైనర్‌ ‘నారప్ప’. డి.సురేష్‌బాబు, కలైపులి యస్‌ థాను సంయుక్తంగా నిర్మించిన ‘నారప్ప’ చిత్రం ఈ నెల 20 నుంచి అమెజాన్‌ ప్రైమ్‌ వీడియోలో స్ట్రీమింగ్‌ కానుంది. ఈ రోజు (జూలై 14)న ‘నారప్ప’ ట్రైలర్‌ను విడుదల చేశారు చిత్ర యూనిట్‌. ‘నీదైన దాని కోసం పోరాటం చెయ్యి.. సరైన సమయంలో..’ అంటూ ‘నారప్ప’ ట్రైలర్‌ను షేర్‌ చేశారు విక్టరీ వెంకటేష్‌. ”నారప్ప’ ట్రైలర్‌ కసిగా ఉంది” అని ట్వీట్‌ చేశారు రానా. ‘నారప్ప’ ట్రైలర్‌ ఆసక్తికరంగా ఉండటంతో పాటుగా సినిమాలపై అంచనాలను మరింత పెంచేస్తుంది. ఈ చిత్రంలో వెంకటేష్‌ తండ్రి, కొడుకు పాత్రల్లో డ్యూయల్‌ రోల్‌ చేశారు. ఈ చిత్రంలో వెంకటేష్‌ భార్య సుందరమ్మగా ప్రియమణి, వెంకటేష్‌ పెద్ద కొడుకుగా కార్తీక్‌ రత్నం కనిపిస్తారు. ‘నారప్ప’ ట్రైలర్‌లో సన్నివేశాలు, డైలాగ్స్‌ బాగున్నాయి. కానీ కేవలం ట్రైలర్‌తో నారప్ప సినిమా ఫ్లాట్‌ను ఊహించడం కష్టం. ఎందుకంటే సినిమాలో ప్రేక్షకులు ఊహించలేని మలుపులు, ఆశ్చర్యపోయే సన్నివేశాలు చాలానే ఉన్నాయి.