తిరుమేని దర్శకత్వంలో తెరకెక్కుతోన్న తాజాగా చిత్రం ‘విదాముయార్చి ఈ సినిమాలో కోలీవుడ్ ప్రముఖ హీరో తలా అజిత్ కుమార్ కీలక పాత్రలో నటిస్తున్నారు. టాలీవుడ్ సీనియర్ స్టార్ నటి త్రిష కథానాయికగా నటిస్తోన్న ఈ సినిమాను లైకా ప్రొడక్ష్ సంస్థ భారీ బడ్జెట్‌తో నిర్మిస్తుంది. రెజీనా, అర్జున్, సంజయ్ దత్ లు ముఖ్యపాత్రలు పోషిస్తుండగా అనిరుధ్ సంగీతాన్ని సమకూరుస్తున్నారు. ఓం ప్రకాష్ అండ్ నీరవ్ షా ఛాయాగ్రాహకులుగా వ్యవహరిస్తున్నారు.
విదాముయార్చి చిత్రం సంక్రాంతి పండుగ సందర్భంగా జనవరికి రిలీజ్ చేయనున్నారు. అయితే సినీ ప్రేక్షకులు ఎప్పుడెప్పుడా ఎదురుచూస్తున్న తలా అజిత్ టీజర్ తాజాగా విడుదల అయ్యింది. ఇప్పుడు రిలీజైన టీజర్ చూసినట్లైతే ఒక్క డైలాగ్ కూడా లేకుండా టీజర్ ఉంది. థ్రిల్లింగ్ సన్నివేశాలు, ఆకట్టుకునే యాక్షన్, బ్యాక్ గ్రౌండ్ స్కోర్, ఫైట్స్‌తో టీజర్ జనాల్ని విపరీతంగా ఆకట్టుకుంది. ప్రస్తుతం యూట్యూబ్‌లో ఈ టీజర్ దూసుకుపోతుంది.
