బొప్పాయి పండు తినడానికి రుచికరంగా ఉన్నప్పటికీ, వీటిని తినడం వల్ల శరీరానికి అనేక ప్రయోజనాలను కూడా అందిస్తుంది. బొప్పాయి తినడం వల్ల కలిగే ప్రయోజనాల గురించి మీరు విన్నప్పటికీ దాని ఆకులు, విత్తనాల వల్ల కలిగే ప్రయోజనాల గురించి మీరు ఎప్పుడైనా విన్నారా లేదు కదా అయితే, బొప్పాయి ఆకులు ఇంకా పండులోని విత్తనాలలో అనేక ఖనిజాలతో పాటు అనేక పోషకాలు ఉంటాయి. ఇవి మనకు అనేక ఆరోగ్య ప్రయోజనాలను అందిస్తాయి. బొప్పాయి ఆకులు, విత్తనాలలో ఫైబర్, పపైన్, ఫ్లేవనాయిడ్స్, విటమిన్ E, యాంటీఆక్సిడెంట్లు ఇంకా యాంటీ ఇన్ఫ్లమేటరీ లక్షణాలు పుష్కలంగా ఉన్నాయి. మీరు వాటిని ఉదయం ఖాళీ కడుపుతో తీసుకుంటే, అది మీకు మరింత ప్రయోజనం చేకూరుస్తుంది.
బొప్పాయి ఆకులు, గింజలు జీర్ణక్రియకు సహాయపడే సమ్మేళనాలను కలిగి ఉంటాయి. ఈ ఆకులలో పాపైన్ పుష్కలంగా ఉంటుంది. ఇది జీర్ణక్రియ ప్రక్రియను సులభతరం చేయడానికి సహాయపడే ప్రోటీయోలైటిక్ ఎంజైమ్. అలాగే బొప్పాయి ఆకులు, గింజలలో యాంటీఆక్సిడెంట్లు ఇంకా ఇతర పోషకాలు లభిస్తాయి. ఇవి రోగనిరోధక శక్తిని బలోపేతం చేయడానికి పని చేస్తాయి. బొప్పాయి ఆకులలో విటమిన్లు, ఇంకా ఇతర ఫైటోకెమికల్స్ ఉంటాయి. ఇవి బాక్టీరియా, వైరల్ ఇన్ఫెక్షన్లతో పోరాడటానికి శరీరానికి సహాయపడతాయి. బొప్పాయి ఆకులను సాంప్రదాయ వైద్యంలో రక్తంలో చక్కెరను నియంత్రించడానికి ఉపయోగిస్తారు. బొప్పాయి ఆకులు ఇన్సులిన్ ఉత్పత్తి చేసే కణాలను రక్షించడం ద్వారా రక్తంలో చక్కెరను తగ్గించే ప్రభావాలను కలిగి ఉంటాయి.
