కరివేపాకు లేని కూరలు రుచి ఉండవు. అయితే ఇది కూరలకు రుచి, సువాసనన మాత్రమే కాదు, చాలా ఆరోగ్య ప్రయోజనాలను కూడా కలిగిస్తుంది. అది తెలియక మనలో చాలా మంది కూరలలో వేసిన కరివేపాకును మనం ఎరిపారేస్తుంటారు. కానీ వీటి వల్ల కలిగే ఆరోగ్య ప్రయోజనాల గురించి తెలిస్తే ఇక నుండి కరివేపాకును కూడా హ్యాపీగా తింటారు.
ఓ నివేదిక ప్రకారం, కరివేపాకును క్రమం తప్పకుండా తీసుకోవడం వల్ల రక్తంలో చక్కెర స్థాయిని తగ్గించడంలో సహాయపడుతుంది. కరివేపాకులో యాంటీఆక్సిడెంట్లు ఉన్నందున, అది స్టార్చ్ ను గ్లూకోజ్ గా మార్చడాన్ని నిరోధిస్తుంది, దీని ఫలితంగా డయాబెటిస్ నియంత్రణలో ఉంటుంది. కాబట్టి డయాబెటీస్తో బాధపడేవారు.. డయాబెటీస్ రావొద్దని అనుకునేవారు కరివేపాకుని హ్యాపీగా తినేసేయండి..