గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ నుంచి ప్రేక్షకులు ఎంతో ఆసక్తిగా ఎదురుచూస్తున్న ‘ధోప్’ సాంగ్‌పై చిత్ర యూనిట్ వరుస అప్డేట్స్ ఇస్తూ అంచనాలను పెంచేస్తోంది. ఇక ఈ సాంగ్ ఈ సినిమాకే హైలైట్‌గా ఉండటం ఖాయమని మేకర్స్ చెబుతూ వస్తున్నారు. దీంతో ఈ పాట ఎప్పుడెప్పుడు వస్తుందా ఇది ఎలా ఉంటుందా అని అభిమానుల్లో ఆతృత మొదలైంది. ఇప్పుడు ఈ పాటకు సంబంధించిన అప్డేట్‌ను మేకర్స్ రివీల్ చేశారు. ది మోస్ట్ అవైటెడ్ ‘ధోప్’ సాంగ్‌ను డిసెంబర్ 21న USA లో విడుదల చేయనుండగా డిసెంబర్ 22న తెలుగులో రిలీజ్ చేస్తున్నట్లు అనౌన్స్ చేశారు. ఇక ఈ పాటకు సంబంధించిన ప్రోమోను తాజాగా రిలీజ్ చేశారు. ప్రోమోలో రామ్ చరణ్, అందాల భామ కియారా అద్వానీల డ్యాన్స్ ప్రేక్షకులను ఆకట్టుకుంటోంది.
గేమ్ ఛేంజర్ నుంచి ధోప్ సాంగ్ ప్రోమో..
