మహేష్ బాబు ఫ్యాన్స్ ఎప్పుడెప్పుడా అని ఎదురుచూస్తున్న ఆ గుడ్ న్యూస్ రానే వచ్చింది. SSMB29 షూటింగ్ కి సంబందించిన అప్డేట్ ను స్వయంగా రాజమౌలే ఇచ్చాడు. ఈ మేరకు సోషల్ మీడియాలో పోస్ట్ పెట్టాడు. హీరో మహేష్ బాబుని లాక్ చేసానని పాస్ పోస్ట్ చూపిస్తూ ఫోటోకి ఫోజిచ్చాడు. ఇంకో హైలెట్ ఏంటంటే ఈ సినిమాలో హీరోయిన్ గా ప్రియాంక చోప్రా కన్ఫామ్ అయ్యింది. ఫైనల్లీ ఆ రోజు రానే వచ్చింది అంటూ రాజమౌళి పోస్ట్ కింద ఆమె కామెంట్ పెట్టడంతో ఫ్యాన్స్ కి క్లారిటీ వచ్చింది. ఈ సినిమాను హాలీవుడ్ రేంజ్ లో జక్కన్న తెరకేక్కించబోతున్నాడు. సౌతాఫ్రికా అడవుల్లో షూటింగ్ స్టార్ట్ చేస్తున్నట్టు సమాచారం.
తాజాగా రాజమౌళి ఇన్ స్టా లో ఒక వీడియో షేర్ చేశారు. అందులో సింహాన్ని బోనులో బంధించినట్టు ఉంది. అలాగే ఒక పాస్ పోర్ట్ చూపిస్తూ ఫోటోకు పోజ్ ఇచ్చారు. మరి దీని అర్ధం ఏంటీ అంటే గతంలో అదే సింహం ఫోటో షేర్ చేసిన రాజమౌళి ఆ సింహం మీద మహేష్ బాబును ట్యాగ్ చేశారు. ఇప్పుడు ఆ సింహాన్ని బోనులో లాక్ చేసినట్లు అర్థం వచ్చేలా వీడియో షేర్ చేశారు. అంటే తన చేతిలో ఉన్న పాస్ పోర్ట్ మహేష్ బాబుది అని అర్థం.
