రాష్ట్రంలో డ్రగ్ కల్చర్ ను రూపుమాపడమే లక్ష్యంగా హైదరాబాద్‌ రంగారెడ్డి జిల్లాలోని పబ్బులు, బార్లలో శుక్రవారం రాత్రి అధికారులు సోదాలు నిర్వహించారు. ఎక్సైజ్‌, నార్కోటిక్‌ బ్యూరో అధికారులు సంయుక్తంగా 25 పబ్బులపై దాడులు చేశారు. ఆయా పబ్బుల్లోని వారికి 107 డ్రగ్ డిటెక్షన్‌ కిట్లతో పరీక్షలు నిర్వహించారు. ఈ పరీక్షల్లో ఆరుగురికి పాజిటివ్‌ గా తేలింది. ఈ మేరకు పాజిటివ్‌ తేలిన వారిని అధికారులు అదుపులోకి తీసుకున్నారు. జీ40, విస్కీ సాంబ పబ్బుల్లో ఇద్దరు చొప్పున, జోరా పబ్బు, క్లబ్‌ రోగ్‌ లో ఒక్కొక్కరికి చొప్పున మొత్తం ఆరుగురికి పాజిటివ్‌ గా తేలినట్టు పోలీసులు పేర్కొన్నారు. ఈ మేరకు పాజిటివ్‌ తేలిన వారిని అధికారులు అదుపులోకి తీసుకున్నారు. ఈ దాడుల్లో ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ కమలహాసన్‌ రెడ్డి, జాయింట్‌ కమిషనర్‌ ఖురేషి తదితరులు పాల్గొన్నారు.
పబ్బులపై అధికారుల దాడులు..
