బీజేపీలో బీఆర్‌ఎస్‌ విలీనం అవుతున్నందుకే ఎమ్మెల్సీ కవితకు బెయిల్‌ ఇచ్చారని కాంగ్రెస్‌ నాయకులు చేస్తున్న ఆరోపణలపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మండిపడ్డారు. ఈడీ కేసులో సోనియా గాంధీ, రాహుల్‌ గాంధీ ఇద్దరూ కూడా 2015 డిసెంబర్‌లో బెయిల్‌ పొందారు. ఇటీవల జరిగిన సార్వత్రిక ఎన్నికల సమయంలో ఇండియా కూటమిలో ఆమ్‌ ఆద్మీ పార్టీ చేరింది. ఆ పార్టీ నాయకుడు మనీశ్‌ సిసోడియా వారం కిందట బెయిల్‌ కొచ్చారు. తెలంగాణ సీఎం రేవంత్‌ రెడ్డి కూడా ఓటుకు నోటు కేసులో 2015 నుంచి బెయిల్‌ మీదే తిరుగుతున్నారు. ఇవన్నీ కూడా కేంద్రంలో ఎన్డీయే ప్రభుత్వం ఏర్పడినప్పటి నుంచే జరిగాయని కేటీఆర్‌ అన్నారు. పై అంశాలను దృష్టిలో పెట్టుకుని బీజేపీ, కాంగ్రెస్‌ రెండు పార్టీలు కూడా పార్టనర్స్‌ అని అనుకోవచ్చా? అని ప్రశ్నించారు.
సోనియాకు బెయిల్‌ వచ్చింది అంటే బీజేపీతో కాంగ్రెస్‌కు పొత్తు ఉన్నట్లేనా..
