తాను సహజ వనరులను దోచేశానంటూ చంద్రబాబు చేసిన విమర్శలపై మంత్రి కాకాణి గోవర్ధన్ రెడ్డి మండిపడ్డారు. ‘ఆ అభియోగాలపై సీబీఐ విచారణ జరిపించాలని కోర్టును కోరేందుకు నేను సిద్ధం. తనపై వచ్చిన అవినీతి ఆరోపణలపై సీబీఐ విచారణ కోరే ధైర్యం ఆయనకు ఉందా? సర్వేపల్లిలో జరిగిన అభివృద్ధి చూపిస్తాను రండి. ఈ ప్రాంతానికి ఏం చేశారో చంద్రబాబు చెప్పుకోలేక నాపై విమర్శలు చేసి వెళ్లిపోయారు’ అని మండిపడ్డారు.

సోమిరెడ్డికి టికెట్ ఇవ్వడం సంతోషం..4వ సారి ఓడిస్తానని సవాల్‌ చేశారు మంత్రి కాకాణి. టీడీపీ రెండు జాబితాల్లో సోమిరెడ్డికి చోటు దక్కలేదు…సీనియర్ నేత అని చెప్పుకొనే సోమిరెడ్డికి..టికెట్ రావడంతో టపాసులు కాల్చి సంబరాలు చేసుకున్నారన్నారు. సోమిరెడ్డికి టికెట్ ఇవ్వకుంటే నేను కూడా ఎన్నికల్లో ఎవరిపై మాట్లాడాలా..అని అనుకున్నానని సెటైర్లు పేల్చారు. కొత్త వాళ్ళైతే విమర్శలు చేయడం కష్టమని..ఇక నా ఎన్నికల ప్రసంగాలు కూడా రంజుగా ఉంటాయని చురకలు అంటించారు. చివరి ఎన్నిక అని సోమిరెడ్డి చెబుతున్నారు…అంటే ఓటు వేస్తే వేయండి…లేకుంటే లేదని అంటున్నారని సెటైర్లు ...