ఆర్టీసీ ఉద్యోగాలకు అప్లై చేస్తున్నారా.? జాగ్రత్త అంటోన్న సజ్జనార్

తెలంగాణ ఆర్టీసీ ప్రకటించిన 3035 పోస్టుల భర్తీ ప్రక్రియను తెలంగాణ పోలీస్ రిక్రూట్‌మెంట్ బోర్డు పూర్తి చేయనుంది. ఇందుకోసం కార్యచరణ రూపొందిస్తున్నారు అధికారులు. దీంతో చాలామంది ఉద్యోగార్థులు.. వివిధ పోస్టులకు అప్లై చేసుకునేందుకు ఉవ్వీళ్లూరుతున్నారు. అయితే ఇదే సమయంలో అభ్యర్థులకు ఆర్టీసీ ఎండీ సజ్జనార్ కీలక సూచన చేశారు. ఆర్టీసీ జాబ్స్‌కు సంబంధించి.. సామాజిక మాధ్యమాల్లో ఫేక్ లింకులు వైరల్ అవుతున్నాయని.. అప్రమత్తంగా ఉండాలన్నారు. నకిలీ లింకులు, మోసపూరిట వెబ్‌సైట్లను నమ్మి మోసపోవద్దని సూచించారు. ఆర్టీసీ ఉద్యోగాల భర్తీ కోసం ప్రస్తుతానికి ఎలాంటి నోటిఫికేషన్.. రీలీజ్ చేయలేదని క్లారిటీ ఇచ్చారు. భర్తీకి కసరత్తు మాత్రం ప్రారంభమైనట్లు చెప్పారు.