నేడే తారక్, ప్రశాంత్ నీల్ సినిమా పూజ..

జూనియర్ ఎన్టీయార్ నుండి సినిమా వచ్చి దాదాపు రెండేళ్లు దాటింది. ‘RRR’ వంటి గ్లోబల్ హిట్ తర్వాత తారక్ గ్రాఫ్ అమాంతం పెరిగింది. ఈ నేపథ్యంలో కథలో ఎంపికలో తగు జాగ్రత్తలు తీసుకుంటూ, ఆచి తూచి సినిమాలు సినిమాలు చేస్తున్నాడు యంగ్ టైగర్. ఈ నేపథ్యంలో ప్రస్తుతం కొరటాల శివ దర్శకత్వంలో ‘దేవర’ లో నటిస్తున్నాడు తారక్. దింతో పాటుగా బాలీవుడ్ డెబ్యూ ఫిల్మ్ వార్ 2 లోను నటిస్తున్నాడు. మరోవైపు కన్నడ స్టార్ డైరెక్టర్ ప్రశాంత్ నీల్ దర్శకత్వంలో జూనియర్ ఎన్టీఆర్ సినిమా రానున్నట్టు గతేడాది ప్రకటించారు. తారక్ తో సినిమాపై గతంలో ప్రశాంత్ నీల్ ఓ ఇంటర్వూలో మాట్లాడుతూ ” 20 సంవత్సరాల క్రితం వచ్చిన ఐడియా, అప్పట్లో బడ్జెట్, హీరో దొరకని కారణంగా పక్కన పెట్టాను.ఇన్నాళ్లకు నా కల నెరవేరబోతోంది. ఈ కథ నా డ్రీమ్ ప్రాజెక్ట్, ఇప్పడు నా అభిమాన హీరో జూనియర్ ఎన్టీఆర్ తో చేస్తున్నందుకు చాలా హ్యాపీగా ఉంది అని తెలిపాడు. కాగా నేడు ఈ సినిమా హైదరాబాద్ లోని రామానాయుడు స్టూడియోలో పూజ కార్యక్రమాలతో ప్రారంభమైంది. ప్రారంభోత్సవానికి తారక్ భార్య, పిల్లలతో వచ్చాడు. ఎన్టీఆర్ భార్య ప్రణతి కెమేరా స్విచ్చాన్ చేసారు.