విజయం అంత సులభంగా రాలేదు..

నటనపై ఉన్న ప్రేమతో ఓ కెనడియన్ అమ్మాయి.. ఇండియాకు వచ్చి తన కెరియర్ ను ప్రారంభించింది. ఈరోజు ఈ అమ్మడు సినీ రంగంలో అద్భుతంగా దూసుకు పోతోంది. అయితే ఈ అమ్మాయికి విజయం అంత సులభంగా రాలేదు.. కెరియర్ మొదట్లో ఎన్నో ఇబ్బందులు పడింది. ఆనటి మరెవరో కాదు ప్రముఖ హీరోయిన్ నోరా ఫతేహి. కేవలం రూ.5000తో కెనడా నుంచి ఇండియాకు వచ్చిన ఈ నటి ఎన్నో సవాళ్లను ఎదుర్కొని ఆత్మవిశ్వాసంతో వాటిని అధిగమించింది.నోరా ఫతేహి 2014 లో టైగర్స్ ఆఫ్ ది సుందర్బన్స్ చిత్రంతో హిందీ చిత్రరంగ ప్రవేశం చేసింది. ఆ సినిమా తర్వాత బిగ్ బాస్ షోలో పాల్గొనే అవకాశం వచ్చింది. నోరా 84 రోజుల పాటు బిగ్ బాస్ హౌస్ ఉండి బయటకు వచ్చింది. ఆ తర్వాత తెలుగు, మలయాళం, హిందీ చిత్రాల్లో గ్లామరస్ డాన్స్ తో ఫేమస్ అయ్యింది. ఇక దర్శక ధీరుడు రాజమౌళి దర్శకత్వం వహించిన  బాహుబళి సినిమాలో ‘మనోహరి’ పాటకు తన గ్లామర్ కాస్ట్యూమ్ తో నోరా ప్రపంచ వ్యాప్తంగా ఫేమస్ అయింది.