పవిత్ర రంజాన్ మాసం ప్రారంభమైంది. ఆదివారం నుంచి దేశవ్యాప్తంగా ముస్లింలు ఉపవాసాలు ప్రారంభించారు. ఇక రంజాన్ అనగానే మనకు ముందుగా గుర్తుకు వచ్చేది హలీం. ముందుగా ఈ హలీం ను ముస్లిం సోదరులు రంజాన్ మాసంలో ఇరాన్ దేశంలో ప్రారంభించారు. ఇది క్రమంగా ఇరాన్ దేశం నుంచి నేడు భారతదేశానికి పాకింది. దీంతో ఇప్పుడు మారుమూల గ్రామాల్లో సైతం హలీం వ్యాపించి హిందూ, ముస్లింలను తన వద్దకు రప్పించుకుంటుంది చెప్పాలంటే ముస్లిం సోదరుల కంటే కూడా హిందువులే హలీం రుచులకు ఎంతో ఆకర్షితులవుతున్నారు. దీంతో మార్కెట్‌ల్లో హలీం దుకాణాలు కిటకిటలాడుతున్నాయి. అయితే నోరూరించే హలీంలో ఉండే పోషకాలు శరీరాన్నిఎంతో ఆరోగ్యంగా చేస్తాయి. కానీ కొంత మంది మాత్రం ఈ హలీం జోలికి పోకపోవడం మంచిదని వైద్యులు చెబుతున్నారు.
మధుమేహంతో బాధపడేవారు హలీం ని చక్కగా తీసుకోవచ్చు. ఇందులో ఉండే సోడియం నాడీ వ్యవస్థను క్రమబద్ధీకరిస్తుంది. కానీ ఇందులో అధిక మొత్తంలో ఉప్పు, నూనె వినియోగం ఉంటుంది కాబట్టి వీటిని, గుండె అనారోగ్యం ఉన్నవారు. ఇంట్లోనే తగిన మోతాదులో వేసి తయారు చేసుకున్న హలీం తినడం మేలని నిపుణులు సూచిస్తున్నారు. అలాగే చిన్న పిల్లలకు కూడా హలీం అంత మంచిది కాదు. ఇందులో వాడే ఘాటైన పదార్ధలు వారి జీర్ణ వ్యవస్థను నాశనం చేస్తాయి. గర్భిణీలు కూడా అధిక మోతాదులో తినకూడదు. వృద్ధులు కూడా ఇంట్లో తక్కువ మసాలాతో చేసుకున్న హలీం తినడం మంచిది.
