మీనాక్షి చౌదరి క్రేజ్ గురించి ప్రత్యేకంగా చెప్పాల్సిన పని లేదు. ఈ అమ్మడు వరుస సినిమాలతో దూసుకుపోతుంది. గత ఏడాది నాలుగు ఐదు చిత్రాల్లో నటించిన ఆమె రెండు బ్లాక్ బస్టర్ హిట్ మూవీస్‌ను తన ఖాతాలో వేసుకుంది. ఇటీవల ఈ అమ్మడు ‘సంక్రాంతికి వస్తున్నాం సినిమాతో ప్రేక్షకుల ముందుకు వచ్చింది. అనిల్ రావిపూడి తెరకెక్కించిన ఈ మూవీలో విక్టరీ వెంకటేష్ హీరోగా నటించారు. అయితే సంక్రాంతి కానుకగా జనవరి 14న విడుదలై హిట్ టాక్‌తో థియేటర్స్‌లో దూసుకుపోతుంది.
అంతేకాకుండా భారీ కలెక్షన్లు రాబడుతూ బాక్సాఫీసును షేక్ చేస్తుంది. ఈ నేపథ్యంలో మీనాక్షి ఓ ఇంటర్వ్యూలో పాల్గొని తనకు ఇష్టమైన హీరో ఎవరో చెప్పి షాకిచ్చింది. నా క్రష్ ప్రభాస్ ఆయనంటే నాకు పిచ్చి చాలా ఇష్టం. ప్రభాస్ పొడుగ్గా హ్యండ్సమ్‌గా ఉంటాడు అని చెప్పుకొచ్చింది. ఇక యాంకర్ కాబోయే భర్త గురించి అడగ్గా.. నా కాబోయే భర్త గురించి వంద విషయాలు నా మనసులో ఉన్నాయి. ముఖ్యంగా హైట్ ఉండాలి. అలాగే మంచి మనసు ఉన్న వ్యక్తి కావాలి.
