ఏపీలో నూతన ప్రభుత్వం ఏర్పడిన విషయం తెలిసిందే. వైసీపీ హయాంలో ఏర్పాటు చేసిన వలంటీర్ల వ్యవస్థ పై ప్రజెంట్ ఏర్పాటు అయిన టీడీపీ కూటమి ప్రభుత్వంలో చర్చలు జరుగుతున్నాయి. రాష్ట్రంలో నూతన ప్రభుత్వం ఏర్పడిన తర్వాత ఎన్నికల సమయంలో ఇచ్చిన హామీలో భాగంగా ఇంటింటికి పెన్షన్ పంపిణీ చేసింది. జులై 1వ తేదీన వలంటీర్లు లేకున్న పింఛన్లు పంపిణీ చేయడం జరిగింది. దీంతో వలంటీర్లు కొనసాగిస్తారా? లేదా? అన్న సందిగ్ధత రాష్ట్రంలో నెలకొంది. ఈ నేపథ్యంలో టీడీపీ ఎమ్మెల్యే, జలవనరుల శాఖ మంత్రి నిమ్మల రామానాయుడు వలంటీర్ల పై ఆసక్తికర వ్యాఖ్యలు చేశారు. ‘వలంటీర్లకు ప్రభుత్వం 2 నెలలుగా జీతాలు ఇస్తూనే ఉంది. వారి వల్లే పెన్షన్లు అందించగలమని’ వైసీపీ చేసిన వాదన తప్పని మా ప్రభుత్వం నిరూపించిందని అన్నారు. గత వైసీపీ ప్రభుత్వం వలంటీర్లను అడ్డుపెట్టుకుని ప్రజాధనాన్ని వృధా చేసిందని చెప్పారు. ఒకటిరెండు రోజుల్లో పంచే పెన్షన్లను వైసీపీ ప్రభుత్వం నాలుగైదు రోజులు పంచేదని విమర్శించారు. వలంటీర్లు అధైర్యపడొద్దు అని సూచించారు. ఈ క్రమంలో వలంటీర్లను కొనసాగిస్తామని చెప్పారు. ఈ వలంటీర్ వ్యవస్థతో ప్రజలకు ఎలా మేలు కలిగించాలనే దాని పై మేము ఆలోచిస్తున్నాం అని మంత్రి చెప్పారు.
వలంటీర్లకు ప్రభుత్వం 2 నెలలుగా జీతాలు ఇస్తూనే ఉంది’..మంత్రి సెన్సేషనల్ కామెంట్స్..
