టాలీవుడ్ స్టార్ డైరక్టర్ రాజమౌళి సతీమణి రమా రాజమౌళిలు వేధింపుల ఆరోపణల వివాదంలో చిక్కుకున్నారు. రాజమౌళి స్నేహితుడైన యు.శ్రీనివాస్ రావు తాను అతని టార్చర్ భరించలేక ఆత్మహత్య చేసుకుంటున్నానంటూ ఇదే నా మరణ వాంగ్మూలం అని సెల్ఫీ వీడియో, లెటర్ విడుదల చేయడం సంచలనంగా మారింది. 54ఏళ్ల వయసులో నేను రాజమౌళి టార్చర్ ను భరించలేకపోతున్నానని నేను ఇదంతా పబ్లిసిటీ కోసం చేయడం లేదని స్పష్టం చేశాడు.
నేను చెప్పిన విషయాలపై పోలీసులు వారిని లై డిటెక్టర్ టెస్టులు చేయాలని కోరాడు. రాజమౌళికి మాంత్రిక విద్యలు కూడా తెలుసని అతను తనకు పోటీగా ఉన్న డైరక్టర్లందరిని తొక్కివేశాడంటూ ఇప్పుడు మరికొందరు డైరక్టర్లను లక్ష్యంగా చేసుకున్నాడని వీటన్నింటిపై నిజాలు తెలియాలంటే అతడికి లై డిటెక్టర్ పరీక్షలు చేయాలని శ్రీనివాస్ రావు కోరాడు. సెల్ఫీ వీడియో, లెటర్ ను శ్రీనివాసరావు రాజమౌళి సన్నిహితులకు పంపించాడు. వీటి ఆధారంగా రాజమౌళిపై సుమోటో కేసు నమోదు చేయాలని మెట్టు పోలీస్ స్టేషన్ పోలీసులకు విజ్ఞప్తి చేశాడు.
