తాజాగా ఏపీలో గేమ్ ఛేంజర్ సినిమా ప్రి రిలీజ్ ఈవెంట్ జరిగిన విషయం తెలిసిందే. అయితే ఈ ఈవెంట్ కి వెళ్లి మణికంఠ, చరణ్ అనే ఇద్దరు అభిమానులు మరణించారు. ఈ ఘటన పై మాజీ mla RK రోజా స్పదిస్తూ ఈ సంఘటన చాల బాధాకరం. కానీ తన కోసం వచ్చిన ఇద్దరు అభిమానులు చనిపోయి 3 రోజులైనా డిప్యూటీ సీఎం పవన్ కళ్యాణ్ ఇప్పటివరకు కనీసం పరామర్శించకపోవడం అమానవీయం అన్నారు.
తెలంగాణలో అల్లు అర్జున్, పుష్ప టీమ్ మానవత్వం తో వ్యవహరించలేదన్న పవన్ ఇప్పుడు 3 రోజులైనా మరణించిన అభిమానుల ఇళ్లకు వెళ్లి ధైర్యం చెప్పకపోవడం దారుణం. ఆ యువకుల తల్లులు, కుటుంబాల కన్నీటి రోదన కనిపించడం లేదా? పరామర్శించకపోగా వీరి మరణానికి గత వైసీపీ ప్రభుత్వం రోడ్డు వెయ్యకపోవడం కారణం అంటూ చౌక బారు రాజకీయం చెయ్యడం తగునా అని పవన్ కళ్యాణ్ ను ప్రశ్నించారు ఆమె. ఇక 7 నెలలుగా రాష్ట్రాన్ని పాలిస్తున్నది మీ ప్రభుత్వ మే కదా? 7 నెలలుగా ఆ జిల్లాకు మంత్రిగా ఉన్నది మీరు కాదా రోడ్డు వల్ల చనిపోతే వీరిద్దరి మరణానికి మీకు ఓట్లేసి గెలిపించినందుకు మీరు కారణం కాదా? మీ గుండె మీద చెయ్యి వేసుకొని ఆత్మ విమర్శ చేసుకోండి అని పేర్కొన్నారు రోజా.
