యంగ్ టైగర్ ఎన్టీఆర్ క్రేజ్ గురించి ఆయన ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. కళ్లతోనే నటించే నటుడు తారక్ అంటూ ఇప్పటికే చాలా మంది కొనియాడారు. తారక్ టాలీవుడ్ టాప్ హీరో నుంచి గ్లోబల్ స్టార్ గా ఎదిగాడు. ఎన్టీఆర్ హీరోగా నటించిన ఆర్ఆర్ఆర్ సినిమా ప్రపంచవ్యాప్తంగా సంచలన విజయాన్ని సాధించింది. ఈ సినిమాలో రామ్ చరణ్, ఎన్టీఆర్ ఇరగదీశారు. ఇక ఇప్పుడు ఎన్టీఆర్ కొరటాల శివ కాంబినేషన్ లో ఓ సినిమా తెరకెక్కుతోంది. దేవర అనే పవర్ ఫుల్ టైటిల్ తో ఈ సినిమా తెరకెక్కుతోంది. ఈ సినిమాలో బాలీవుడ్ స్టార్ హీరోయిన్ జాన్వీ కపూర్ హీరోయిన్ గా నటిస్తుంది. ఈ సినిమాను రెండు పార్ట్స్ గా తెరకెక్కిస్తున్నారు కొరటాల శివ.
ఈ సినిమాని ఈ ఏడాది సెప్టెంబర్ 27న విడుదల చేసేందుకు సిద్ధంగా ఉన్నారు మేకర్స్. ఈ సినిమా పాన్ ఇండియా లెవల్ లో రిలీజ్ కానుంది. ఇప్పటికే ఈ సినిమానుంచి విడుదలైన గ్లింప్స్ ప్రేక్షకులను విపరీతంగా ఆకట్టుకుంది. దేవర సినిమా కోసం ఎన్టీఆర్ ఫ్యాన్స్ ఈగర్ గా ఎదురుచూస్తున్నారు. దీనితో పాటే బాలీవుడ్ లో హృతిక్ రోషన్ తో కలిసి అయాన్ ముఖర్జీ డైరెక్షన్ లో వార్ 2 చేస్తున్నారు. ఈ సినిమా షూటింగ్ కూడా శరవేగంగా జరుగుతుంది. ఇదిలా ఉంటే ఇప్పుడు ఎన్టీఆర్ లైనప్ చేసిన సినిమాలు చూస్తూనే మైండ్ బ్లాక్ అవుతుంది. ఎన్టీఆర్ ఒక సినిమా షూటింగ్ లోనే ఉండగానే మరికొంతమంది దర్శకులకు ఓకే చేశాడు.
