మంచు విష్ణు టైటిల్ పాత్రలో నటిస్తున్న సినిమా కన్నప్ప. ఈ మూవీలో వివిధ భాషలకు చెందిన అగ్ర సినీతారలు ముఖ్య పాత్రలు పోషిస్తున్న సంగతి తెలిసిందే. ఈ చిత్రంలో శివపార్వతులుగా అక్షయ్ కుమార్, కాజల్ అగర్వాల్ కనిపించనున్నారు. ఇటీవల వీరిద్దరి పోస్టర్ రిలీజ్ చేయగా మంచి రెస్పాన్స్ వచ్చింది. ఇక ఈ సినిమాలో యంగ్ రెబల్ స్టార్ ప్రభాస్ సైతం కీలకపాత్ర పోషిస్తున్నారు. దీంతో డార్లింగ్ ఏ పాత్రలో నటిస్తున్నారు. అసలు ఆయన ఫస్ట్ లుక్ ఎలా ఉంటుందోనని అభిమానులు ఆసక్తిగా వెయిట్ చేస్తున్నారు.
ఈ క్రమంలోనే ముందుగా చెప్పినట్లుగా ఈరోజు ప్రభాస్ ఫస్ట్ లుక్ పోస్టర్ రిలీజ్ చేసింది చిత్రయూనిట్. ఈ సినిమాలో డార్లింగ్ రుద్ర పాత్రలో కనిపించనున్నట్లు క్లారిటీ ఇస్తూ ప్రభాస్ ఫస్ట్ లుక్ పోస్టర్ రిలీజ్ చేశారు మేకర్స్. తాజాగా విడుదలైన పోస్టర్ లో ప్రభాస్ ఫస్ట్ లుక్ పోస్టర్ అదిరిపోయింది. మెడలో రుద్రాక్షలు, కాషాయ దుస్తులు, పెద్ద జుట్టుతో కనిపించారు. “ప్రళయ కాల రుద్రుడు, త్రికాల మార్గదర్శకుడు, శివాజ్ఞ పరిపాలకుడు” అంటూ డైలాగ్ కింగ్ మోహన్ బాబు ప్రభాస్ ఫస్ట్ లుక్ రిలీజ్ చేశారు. ఈ సినిమాను ప్రపంచవ్యాప్తంగా ఏప్రిల్ 25న రిలీజ్ చేయనున్నారు.
