భారీ యాక్షన్ డ్రామా అర్జున్ సన్నాఫ్ వైజయంతి..

తెలుగు సినిమా ప్రియులకు గుడ్ న్యూస్ నందమూరి కళ్యాణ్ రామ్ హీరోగా, విజయశాంతి కీలక పాత్రలో నటిస్తున్న భారీ యాక్షన్ డ్రామా ‘అర్జున్ సన్నాఫ్ వైజయంతి’ ఏప్రిల్ 18, 2025న విడుదల కానుంది. ఈ విషయాన్ని చిత్ర బృందం అధికారికంగా ప్రకటించడంతో అభిమానుల్లో ఉత్సాహం రెట్టింపు అయింది. ఈ సినిమా ఒక తల్లి-కొడుకు మధ్య భావోద్వేగ సంబంధంతో పాటు హై-ఆక్టేన్ యాక్షన్ సన్నివేశాలతో ప్రేక్షకులను అలరించనుంది. విజయశాంతి ఈ చిత్రంలో వైజయంతి ఐపీఎస్ అనే పోలీస్ ఆఫీసర్ పాత్రలో కనిపించనుంది. ఆమె తన వృత్తిలో నిబద్ధతతో పాటు, కొడుకు అర్జున్ పట్ల గాఢమైన భావోద్వేగ బంధాన్ని పంచుకుంటుంది. విశాఖపట్నంలో నేరాలు అదుపు చేయలేని స్థితిలో ఉన్నప్పుడు, అర్జున్ స్వయంగా బాధ్యత తీసుకుని చట్టాన్ని తన చేతుల్లోకి తీసుకుంటాడు. ఈ నేపథ్యంలో తల్లి-కొడుకు మధ్య ఏర్పడే సంఘర్షణే సినిమాకు ప్రధాన ఆకర్షణగా నిలవనుంది.