జమ్ముకశ్మీర్ అసెంబ్లీ ఎన్నికల కౌంటింగ్ ప్రక్రియ ఇవాళ ఉదయం 7 గంటలకు ప్రారంభమైంది. ఈ సందర్భంగా కౌంటింగ్ కేంద్రాల ఎలాంటి అవాంఛనీయ ఘటనలు చోటుచేసుకోకుండా పోలీసు ఉన్నతాధికారులు మూడంచెల భద్రతను ఏర్పాటు చేశారు. ఇక్కడ మొత్తం 90 స్థానాలకు మూడు విడతల్లో పోలింగ్‌‌ను ప్రక్రియను నిర్వహించగా.. 63.45 శాతం పోలింగ్ నమోదైంది. ముఖ్యంగా ఆర్టికల్-370 రద్దు తరువాత జరిగే మొట్టమొదటి ఎన్నికలు కావడంతో వెలువడే ఫలితాలపై దేశం మొత్తం ఆసక్తిగా ఎదురుచూస్తోంది.
ఈ ఎన్నికల్లో కాంగ్రెస్ ఎన్‌సీ పార్టీలు కలిసి పోటీ చేశాయి. మరోవైపు బీజేపీ, పీడీపీ సింగిల్‌గానే ఎన్నికల బరిలోకి దిగాయి. ప్రస్తుతం జమ్ముకశ్మీర్ లో 77 స్థానాల్లో కౌంటింగ్ ప్రక్రియ ప్రారంభం కాగా కాంగ్రెస్ 46 స్థానాల్లో, బీజేపీ 25 చోట్ల, ఇతరులు 6 చోట్ల ఆధిక్యాన్ని ప్రదర్శిస్తున్నారు. ఇక జమ్ముకశ్మీర్ నేషనల్ కాన్ఫరెన్స్ అధ్యక్షుడు ఓమర్ అబ్దుల్లా తాను పోటీ చేసిన గందర్ బాల్, బుద్గాం స్థానాల్లో లీడ్‌లో కొనసాతున్నారు.
