తెలంగాణ డ్వాక్రా గ్రూప్ మహిళలకు గొప్ప శుభవార్త. పొదుపు సంఘాల మహిళలకు ఎలక్ట్రిక్ ఆటోలు పంపిణీ చేయాలని ప్రభుత్వం యోచిస్తుంది. ఈ మేరకు జనగామ జిల్లా పాలకుర్తిలో ఓ మహిళకు ఎలక్ట్రిక్ ఆటోను పంపిణీ చేశారు. పొదుపు సంఘంలో ఉన్న మహిళలకు లేదా ఆమె కుటుంబంలో లైసెన్స్ ఉన్న వ్యక్తికి ఎలక్ట్రిక్ ఆటోను అందజేస్తారు. ప్రభుత్వం స్త్రీనిధి రుణం కింద ఈ ఆటోను కొనుగోలు చేసి ఇస్తారు. అయితే దీనికి సంబంధించిన రుణం వడ్డీతో సహా చెల్లించాల్సి ఉంటుంది. ఈ ఆటోలకు ఛార్జింగ్ పాయింట్ల కోసం సర్కార్ అధికారులు అధ్యయనం చేస్తున్నారు. ప్రభుత్వం తీసుకున్న నిర్ణయంపై డ్వాక్రా మహిళా సంఘాలు సంతోషం వ్యక్తం చేస్తున్నాయి.
తెలంగాణ సర్కార్ డ్వాక్రా గ్రూపు మహిళలకు గుడ్ న్యూస్..
