బొప్పాయి గింజల్లో ఫైబర్, ఆరోగ్యకరమైన కొవ్వులు, ప్రోటీన్, జింక్, భాస్వరం, కాల్షియం, మెగ్నీషియం, ఐరన్‌, కాల్షియంతో సహా ఎన్నో రకాల విటమిన్లు, మినరల్స్‌ ఉంటాయి. అలాగే బొప్పాయి గింజల్లో మోనోఅన్‌శాచురేటెడ్ కొవ్వు, పాలీఫెనాల్స్, ఫ్లేవనాయిడ్‌లు కూడా గణనీయమైన స్థాయిలో ఉంటాయి. ఇవి శక్తివంతమైన యాంటీఆక్సిడెంట్‌లు. ఇవన్నీ ఆరోగ్యాన్ని మెరుగుపరచడంలో, వ్యాధులను నివారించడంలో చాలా సహాయపడతాయి.
వాపును తగ్గిస్తుంది..
బొప్పాయి గింజల్లో విటమిన్ సి, ఆల్కలాయిడ్స్, ఫ్లేవనాయిడ్స్, యు పాలీఫెనాల్స్ వంటి ఇతర సమ్మేళనాలు పుష్కలంగా ఉంటాయి. ఈ సమ్మేళనాలన్నీ శోథ నిరోధక లక్షణాలను కలిగి ఉంటాయి.
క్యాన్సర్ వచ్చే ప్రమాదం తక్కువ..
బొప్పాయి గింజల్లో ఉండే పాలీఫెనాల్స్ శరీరానికి శక్తివంతమైన యాంటీ ఆక్సిడెంట్లుగా పనిచేస్తాయి. ఈ లక్షణాలు అనేక రకాల క్యాన్సర్ల నుంచి మీ శరీరాన్ని రక్షించడానికి పని చేస్తాయి.
పీరియడ్స్ సమస్యలు దూరం..
బొప్పాయిలోని కెరోటిన్‌లు ఈస్ట్రోజెన్ వంటి హార్మోన్‌ల ఉత్పత్తిని నియంత్రించడంలో సహాయపడతాయి. అదేవిధంగా బొప్పాయి గింజలు రుతుక్రమాన్ని ఉత్తేజపరిచేందుకు, దాని క్రమాన్ని మెరుగుపరచడంలో సహాయపడతాయి.
గట్ ఆరోగ్యం..
బొప్పాయి గింజలో ఉండే కార్బెన్ పేగుల్లో ఉండే పురుగులు, బ్యాక్టీరియాను చంపి మలబద్ధకాన్ని నివారిస్తుంది. జీర్ణవ్యవస్థ ఆరోగ్యాన్ని కాపాడుతుంది. బొప్పాయి గింజల్లో ఉండే అధిక పీచు పదార్థం ప్రేగు కదలికలను నియంత్రిస్తుంది.
