ఇన్‌స్టంట్ నూడుల్స్ ప్రధానంగా గోధుమ పిండి, స్టార్చ్, పామాయిల్, ఉప్పుతో తయారవుతాయి. 100 గ్రాముల నూడుల్స్‌లో సుమారు 385 నుండి 453 కేలరీలు, 65 గ్రాముల కార్బోహైడ్రేట్లు, 17 గ్రాముల కొవ్వు, 7.6 గ్రాముల సంతృప్త కొవ్వు, 9 గ్రాముల ప్రోటీన్, 2.4 గ్రాముల ఫైబర్, 1160 మి.గ్రా సోడియం ఉంటాయి. గర్భధారణ సమయంలో అవసరమైన పోషకాలు విటమిన్లు, ఖనిజాలు, ఫైబర్, ప్రోటీన్లు వీటిలో చాలా తక్కువగా ఉంటాయి. ఇన్‌స్టంట్ నూడుల్స్ రుచిగా ఉన్నా, గర్భధారణ సమయంలో వీటి వినియోగాన్ని పరిమితం చేయాలని నిపుణులు సూచిస్తున్నారు.
తక్కువ పోషకాలు..
గర్భిణులకు, పిండం పెరుగుదలకు అవసరమైన ప్రోటీన్, ఫైబర్, విటమిన్లు, ఖనిజాలు వీటిలో ఉండవు. వీటిపై ఎక్కువగా ఆధారపడితే పోషకాహార లోపాలు వచ్చే అవకాశం ఉంది.
మైదా..
ఇన్‌స్టంట్ నూడుల్స్ శుద్ధి చేసిన గోధుమ పిండితో తయారవుతాయి. ప్రాసెసింగ్ సమయంలో వీటిలోని పోషకాలు తొలగిపోతాయి. మైదా జీర్ణం కావడం కూడా కష్టం, ఫైబర్ తక్కువగా ఉంటుంది.
మోనోసోడియం గ్లూటామేట్..
రుచిని పెంచడానికి MSG (అజినోమోటో) ఉపయోగిస్తారు. అధిక మొత్తంలో MSG తీసుకోవడం వల్ల తలనొప్పి, వికారం, చెమటలు పట్టడం, గుండె దడ వంటి లక్షణాలు కనిపించవచ్చు.
ట్రాన్స్ ఫ్యాట్స్, సంతృప్త కొవ్వులు..
వీటిలో ఉండే ట్రాన్స్ ఫ్యాట్స్, అధిక సంతృప్త కొవ్వులు గర్భిణులలో కొలెస్ట్రాల్‌ను పెంచి, గుండె జబ్బుల ప్రమాదాన్ని పెంచుతాయి.
ప్రిజర్వేటివ్స్..
షెల్ఫ్ లైఫ్ పెంచడానికి వంటి సంరక్షకాలను వాడతారు. అధికంగా తీసుకుంటే వికారం, శ్వాస ఆడకపోవడం వంటి సమస్యలు రావొచ్చు. గర్భధారణ సమయంలో ఇన్‌స్టంట్ నూడుల్స్‌ను తరచుగా తినడం వల్ల ఈ ఆరోగ్య సమస్యలు రావొచ్చు.
గర్భధారణ మధుమేహం..
వీటిలో అధిక కార్బోహైడ్రేట్లు ఉండటం వల్ల గర్భధారణ మధుమేహం వచ్చే ప్రమాదం పెరుగుతుంది. బరువు పెరగడం అధిక కొవ్వు, కేలరీలు అనారోగ్యకరమైన బరువు పెరుగుదలకు దారితీసి, ప్రీఎక్లంప్సియా లేదా సిజేరియన్ వంటి సమస్యలకు కారణం కావచ్చు.
