స్పిరిట్ స్టోరీని కంప్లీట్ చేసిన సందీప్ రెడ్డి వంగా డైలాగ్ వెర్షన్ ను పెండింగ్ లో పెట్టాడని వినిపిస్తోంది. డైలాగ్స్ విషయంలో తన స్టైల్ రైటింగ్ కు తగ్గట్లు ప్రభాస్ తనను తాను మార్చుకుంటాడా? అనే విషయం డైరెక్టర్ ను ఆలోచనల్లో పడేసిందట. తనకు తగ్గట్లు డార్లింగ్ మారతాడా? లేదా ఆయనకు సూట్ అయ్యేలా పొడి పొడి డైలాగ్స్తో తాను రైటింగ్ ను మార్చుకోవాలా? అనే ఉన్నాడట సందీప్ వంగా. కెరీర్ బిగినింగ్ నుంచి డిఫరెంట్ మూవీస్ లో యాక్ట్ చేస్తూ ఆడియెన్స్ తో పాటు మూవీ లవర్స్ మనసుల్ని దోచుకుంటున్న ప్రభాస్ మొదట్నుంచి ఒక విషయంలో మాత్రం పెద్ద మార్పులు చేయలేదు. అదే డైలాగ్స్. పొడి పొడి డైలాగ్స్ చెబుతూ, తన కటౌట్ ఎక్కువగా మాట్లాడటం ప్రభాస్ స్టైల్. అలాగని డైలాగ్స్ విషయంలో ఏనాడూ తగ్గలేదు. ఆయన కెరీర్లో ఎన్నో హిట్ డైలాగ్స్ ఉన్నాయి. అయితే వాటిల్లో షార్ట్ అండ్ స్వీట్ వే ఎక్కువ. బాహుబలి సిరీస్ ఇందుకు మినహాయింపు అనే చెప్పాలి.
సందీప్ రెడ్డి మూవీస్లో లెంగ్తీ డైలాగ్స్ ఎక్కువగా ఉంటాయి. వాటిల్లో హీరోలు హైఫై భాషతో, మెడికల్ టెర్మినాలజీ వాడుతూ అనర్గళంగా మాట్లాడటం తెలిసిందే. డైలాగ్స్ చెప్పే టైమ్లో యాటిట్యూడ్ కూడా స్పెషల్ అట్రాక్షన్గా నిలుస్తూ ఉంటుంది. ప్రభాస్ సినిమాల్లో ఈ తరహా డైలాగ్స్ అంటే ‘బుచ్చిగాడు’, ఏక్ నిరంజన్ చూడొచ్చు. కానీ సందీప్ వంగా మూవీస్లో హీరోలు మరింత ఫోర్స్, ఎనర్జీతో డైలాగ్స్ చెబుతూ ఉంటారు.
