అన్‌స్టాపబుల్ టాక్‌షో సీజన్ – 4 గ్రాండ్ గా స్టార్ట్ అయింది. తాజాగా అన్‌స్టాపబుల్ సీజన్ – 4 లో మలయాళ నాటుడు దుల్కర్ సల్మాన్ ఎపిసోడ్ ను షూట్ కంప్లిట్ చేసారు మేకర్స్. అలాగే ఐకానిక్ స్టార్ అల్లు అర్జున్, రష్మిక, సుకుమార్ ఎపిసోడ్ కూడా ముగించారు. ఇదిలా ఉండగా తమిళ స్టార్ హీరో సూర్య ఈ అన్‌స్టాపబుల్’ టాక్‌ షో సీజన్ – 4 లో పాల్గొనబోతున్నారు. కంగువ ప్రమోషన్స్ లో భాగంగా సూర్య ఈరోజు హైదరాబాద్ చేరుకున్నారు.
అన్‌స్టాపబుల్ షో లో సందడి చేసేందుకు సూర్య ఈ ఉదయం అన్నపూర్ణ స్టూడియోకు చేరుకున్నారు. అందుకు సంబంధించిన వీడియో రిలీజ్ చేసారు. సూర్యతో పాటుగా ఆయన నటించిన పాన్ ఇండియా సినిమా కంగువ దర్శకుడు శివ పాల్గొన్నట్టు తెలుస్తోంది. ఈ ఎపిసోడ్ ఓ రేంజ్ లో ప్లాన్ చేసినట్టు సమాచారం. సూర్య సినీ జర్నీ విశేషాలతో పాటు సూర్య జ్యోతిక ప్రేమ విషయాలను బాలయ్యతో పంచుకోనున్నాడు సూర్య. అలాగే కంగువ తెలుగు ప్రమోషన్స్ ను అన్‌స్టాపబుల్ వేదికపై నుండి మొదలెట్టనున్నాడు సూర్య.
