ఢిల్లీలో ఇవాళ బిల్ గేట్స్ తో ఏపీ సీఎం నారా చంద్రబాబు నాయుడు భేటీ అయ్యారు. దాదాపు 45 నిమిషాలకు పైగా చర్చలు జరిపారు. హలో ఒప్పందాలపై వారిద్దరి మధ్య చర్చ జరిగింది. బిల్ గేట్స్ తో భేటీ అనంతరం సీఎం చంద్రబాబు ఎక్స్ లో స్పందించారు. రాష్ట్ర ప్రభుత్వంతో గేట్స్ ఫౌండేషన్ సహకారం పై కీలకంగా చర్చించామని చంద్రబాబు తెలిపారు. ప్రజల ఆరోగ్య సంరక్షణ, విద్య, వ్యవసాయం, ఉపాధి కల్పన వంటి కీలక రంగాలపై చర్చ జరిగిందన్నారు.
అధునాతన సాంకేతికత పరిజ్ఞానాల వినియోగ అవకాశాలను పరిశీలించామన్నారు. పీ4, స్వర్ణాంధ్ర 2047 దార్శనికత సహకారానికి రాష్ట్ర ప్రభుత్వ కట్టుబడి ఉందన్నారు. ఈ లక్ష్య సాధనలో గేట్స్ ఫౌండేషన్ భాగస్వామ్యం కీలక పాత్ర పోషిస్తుందని విశ్వసిస్తున్నట్టు పేర్కొన్నారు సీఎం చంద్రబాబు. బిల్ గేట్స్ తో అద్భుతమైన సమావేశం జరిగిందన్నారు. ఆర్టిఫిషియల్ ఇంటెలిజెన్స్, ప్రిడిక్టివ్ అనలిటిక్స్ వంటి అధునాతన సాంకేతిక పరిజ్ఞానాల వినియోగాన్ని గురించి చర్చించామని పేర్కొన్నారు.
