మీ బాడీ ఉక్కులా ఉండాలంటే..

ఇటీవల కాలంలో అనారోగాల సమస్య అనేది బాగా ఎక్కువైంది. మనిషి కూడా త్వరగా జబ్బున పడిపోతున్నాడు. ఇందుకు ముఖ్య కారణం శరీరంలో ఇమ్యూనిటీ వ్యవస్థ లోపించడమే. శరీరంలో రోగ నిరోధక శక్తి తగినంత లేకపోవడం కారణంగా త్వరగా అనారోగ్య సమస్యలు ఎటాక్ చేస్తాయి. అనేక రకాల వైరస్‌లు శరీరంలోకి ప్రవేశించి ప్రాణాలకు ప్రమాదం కలిగే రోగాల బారిన పడేస్తున్నాయి. కాబట్టి ముందు శరీరంలో వ్యాధి నిరోధక శక్తి అనేది బలంగా ఉండాలి. శరీరం బలంగా, దృఢంగా ఉండాలంటే ఆరోగ్యకరమైన ఆహారం తీసుకోవాలి. అప్పుడే అందంగా, ఆరోగ్యంగా ఉండగలం. శరీరాన్ని హెల్దీగా ఉంచడంలో యాంటీ బాడీస్ చక్కగా పని చేస్తాయి.

రోగ నిరోధక శక్తిని పెంచుతుంది..

డ్రై స్ట్రాబెర్రీస్ తీసుకోవడం వల్ల శరీరంలో రోగ నిరోధక శక్తి అనేది పెరుగుతుంది. ఎందుకంటే ఇందులో విటమిన్ సి, ఇతర యాంటీ ఆక్సిడెంట్లు మెండుగా లభిస్తాయి.

సవ్యంగా రక్త సరఫరా..

శరీర భాగాలు చక్కగా పని చేయాలంటే రక్త సరఫరా అనేది బాగా జరగాలి. అప్పుడే ఆరోగ్యంగా ఉంటాం. ప్రస్తుత కాలంలో రక్త సరఫరా సరిగా జరగడం లేదు. దీని వల్ల తిమ్మిర్లు, నొప్పులు వంటి సమస్యలు తలెత్తుతున్నాయి.

షుగర్ కంట్రోల్..

షుగర్‌తో బాధ పడేవారు ఎలాంటివి తిన్నాలన్నా ఆలోచించాల్సి వస్తుంది. కానీ డౌట్ లేకుండా స్ట్రాబెర్రీస్ తినొచ్చు. ఇది ఆకలిని తగ్గించి రక్తంలో షుగర్ లెవల్స్ పెరగకుండా చేస్తుంది. 

అధిక బరువుకు చెక్..

రోజూ ఒక డ్రై స్ట్రాబెర్రీ తినడం వల్ల బరువు అనేది అదుపులో ఉంటుంది. ఇది అధిక ఆకలిని తగ్గిస్తాయి. క్యాలరీలు కూడా తక్కువగా ఉంటాయి. అదే విధంగా శరీరంలో ఉండే బ్యాడ్ కొలెస్ట్రాల్‌ను తగ్గిస్తుంది.