నోటి దుర్వాసన ఇబ్బందికి కారణం అవుతుంది. నోటి దుర్వాసనతో బాధపడే వారు ఎవరితోనైనా మాట్లాడటానికి కూడా ఇబ్బంది పడతారు. ఆత్మవిశ్వాసం కూడా తగ్గుతుంది. దీనికి ప్రధాన కారణం చెడు ఆహారపు అలవాట్లు అని చెప్పవచ్చు. అంతేకాదు రోజుకు రెండు సార్లు బ్రష్ చేయకపోవడం, నాలుకను శుభ్రం చేసుకోకపోవడం, రాత్రి బ్రష్ చేయకుండా నిద్రపోవడం వంటి చెడు అలవాట్లు నోటి దుర్వాసనకు కారణమవుతాయి. అయితే శ్వాసను తాజాగా ఉంచడానికి మార్కెట్లో అనేక రకాల మౌత్ ఫ్రెషనర్లు అందుబాటులో ఉన్నాయి. అయితే ఇంట్లో ఉండే కొన్ని వస్తువులతో నోటి దుర్వాసనకు చెక్ పెట్టవచ్చు.
సోంపు, యాలకులు: రోజుకు రెండుసార్లు బ్రష్ చేసిన తర్వాత కూడా నోటి దుర్వాసనతో ఇబ్బంది పడుతుంటే సోపు లేదా యాలకులను ఉపయోగించవచ్చు. ప్రతిరోజూ ఆహారం తిన్న తర్వాత సోంపు లేదా యాలకులను తినాలి. ఇలా చేయడం వల్ల నోటి దుర్వాసన రాదు. సోంపు, యాలకులు సహజమైన మౌత్ ఫ్రెషనర్లుగా పనిచేస్తాయి.
పుదీనా ఆకులు: నోటి దుర్వాసనకు పుదీనా చాలా మేలు చేస్తుంది. సొంపు, యాలకుల వలనే పుదీనా కూడా సహజమైన మౌత్ ఫ్రెషనర్‌గా పనిచేస్తుంది. అటువంటి పరిస్థితిలో ఆహారం తిన్న తర్వాత పుదీనా ఆకులను నమలాలి. ఇది నోటి నుంచి వచ్చే చెడు వాసనను తొలగిస్తుంది.
లవంగాలు: నోటి దుర్వాసనను తొలగించడంలో లవంగాలు చాలా ప్రభావవంతంగా పనిచేస్తాయి. లవంగాలు తినడం వల్ల నోటి దుర్వాసన కూడా తొలగిపోతుంది. లవంగాలలో యాంటీ బ్యాక్టీరియల్ లక్షణాలు ఉన్నాయి. ఇవి నోటిలోని చెడు బ్యాక్టీరియాను తొలగించడంలో సహాయపడతాయి.
ఆపిల్ తినండి: యాపిల్ ఆరోగ్యానికి ఎంతో మేలు చేస్తుంది. శరీరాన్ని అనేక వ్యాధుల నుంచి కాపాడుతుంది. అంతేకాదు నోటి దుర్వాసనను తొలగించడంలో కూడా ఇది ప్రయోజనకరంగా ఉంటుంది. నోటిలో ఒక చిన్న యాపిల్ ముక్కను ఉంచుకోవాలి. ఇది నోటిలో లాలాజలాన్ని ఉత్పత్తి చేస్తుంది, ఇది నోటి నుంచి దుర్వాసనను తొలగిస్తుంది.
