మునగాకు గురించి ప్రత్యేకంగా పరిచయాలు అవసరం లేదు. వీటి గురించి అందరికీ తెలుసు. మునగాకులో అనేక రకాలైన పోషకాలు దాగి ఉన్నాయి. మునగాకును నేరుగా కూరల్లో ఉపయోగించవచ్చు. మునగాకు నీరు తాగడం వల్ల కూడా ఎన్నో సమస్యలకు బైబై చెప్పొచ్చు. మునగాకు నీటిలో అనేక రకాలైన విటమిన్లు, మినరల్స్, ఖనిజాలు, యాంటీ ఆక్సిడెంట్లు ఉన్నాయి.
ప్రతి రోజూ ఉదయం పరగడుపున మునగాకు నీటిని తాగడం వల్ల శరీరంలో రోగ నిరోధక శక్తి అనేది పెరుగుతుంది. విటమిన్ సి తెల్ల రక్త కణాల ఉత్పత్తిని పెంచుతుంది. రోగ నిరోధక వ్యవస్థను బల పరుస్తుంది. దీంతో పలు రకాల ఇన్ ఫెక్షన్లు, రోగాలతో పోరాడే శక్తి లభిస్తుంది.
మునగాకు నీటిని తాగడం వల్ల పొట్ట సమస్యలు, జీర్ణ సమస్యలు తగ్గుతాయి. జీవ క్రియ కూడా మెరుగు పడుతుంది. బీపీ, షుగర్ వంటి కంట్రోల్ అవుతాయి. అంతే కాకుండా మునగాకుకు కొలెస్ట్రాల్‌ను నియంత్రణ చేసే శక్తి ఉంది. దీంతో రక్త పోటు, హార్ట్ ఎటాక్ వంటివి తగ్గుతాయి.
వెయిట్ లాస్ అవ్వాలి అనుకునేవారికి ఈ మునగాకు వాటర్ బెస్ట్ అని చెప్పొచ్చు. ఉదయాన్నే తాగడం వల్ల క్రమంగా బరువు తగ్గుతారు. అంతే కాకుండా మునగాకులో క్యాన్సర్ నిరోధక లక్షణాలు కూడా ఉన్నాయి. పేగుల ఆరోగ్యం కూడా మెరుగు పడుతుంది.
