కాజల్ అగర్వాల్ పెళ్లి తర్వాత అడపాదడపా సినిమాలు చేస్తుంది. త్వరలో కాజల్ అగర్వాల్ లేడీ ఓరియెంటెడ్ గా చేసిన సత్యభామ రిలీజ్ కాబోతుంది. ఇప్పటికే ఈ సినిమా గ్లింప్స్, సాంగ్ రిలీజ్ చేసి ఆసక్తి పెంచారు. తాజాగా సత్యభామ నుంచి మరో పాటని విడుదల చేశారు. హైదరాబాద్ లో సత్యభామ మ్యూజికల్ ఈవెనింగ్ నిర్వహించి వెతుకు వెతుకు.. అనే పాటని రిలీజ్ చేశారు. ఈ సాంగ్ లాంచ్ ఈవెంట్లో మ్యూజిక్ డైరెక్టర్ శ్రీ చరణ్ పాకాల, అండ్ టీమ్ లైవ్ ఆర్కిస్ట్రాలో పాటలతో అదరగొట్టారు. ఈ పాటని చంద్రబోస్ రాయగా శ్రీచరణ్ పాకాల సంగీత దర్శకత్వంలో కీరవాణి పాడటం విశేషం. అమ్మాయిలపై జరుగుతున్న హత్యాయత్నాల నేపథ్యంలో.. బాధిత యువతులను చూసి, నేరస్తులను పట్టుకోవడానికి పోలీసాఫీసర్ సత్యభామ ప్రయత్నిస్తున్న నేపథ్యంలో ఈ సాంగ్ వస్తుందని తెలుస్తుంది.
ఇక ఈ సాంగ్ లాంచ్ ఈవెంట్ లో కాజల్ అగర్వాల్ మాట్లాడుతూ.. ఈ వెతుకు వెతుకు.. నా సోలో సాంగ్. సత్యభామగా నటించడం చాలా ఛాలెంజింగ్ అనిపించింది. ఇలాంటి క్యారెక్టర్ చేయడం నా కెరీర్ లో మొదటిసారి. ఈ సినిమా నా కెరీర్ లో ఓ స్పెషల్ ప్రాజెక్ట్ గా నిలుస్తుంది. నేను బిడ్డకు జన్మనిచ్చిన తర్వాత చేసిన సినిమా ఇది. ఈ కథ చాలా పర్పస్ ఫుల్ గా, పవర్ ఫుల్ గా అనిపించింది. అమ్మాయిలు తప్పకుండా ఈ సినిమా చూడాలి. అమ్మాయిలు షీ సేఫ్ యాప్ ను ఎలా ఉపయోగించాలి, ఎలా సేఫ్ గా ఉండాలి అనేది సినిమాలో చూపించాం. సత్యభామ క్యారెక్టర్ కండబలంతో పాటు బుద్ధిబలం కూడా చూపిస్తుంది అని తెలిపింది.
