ప్రపంచవ్యాప్తంగా ఎంతోమంది రకరకాల క్యాన్సర్లతో మరణిస్తున్నారు.. మరెందరో క్యాన్సర్ వ్యాధితో బాధపడుతున్నారు. ఇంతకు క్యాన్సర్ అంటే ఏమిటి?.. అది ఎలా వస్తుంది?.. క్యాన్సర్ను ఎలా గుర్తించాలి?.. వీటికి సమాధానాలకు పరిశీలిస్తే.. శరీరంలో నిర్దిష్టమైన భాగంలో కణాలు బాగా పెరిగి కణతుల్లా మారితే ఆ భాగానికి ‘క్యాన్సర్’ సోకిందని అంటారు. అయితే అన్నిరకాల కణతులను ‘క్యాన్సర్ కణతులు’గా పరిగణించకూదు. కాలం గడిచే కొద్దీ.. ఆయా కణతుల పరిమాణం పెరిగినా.. నొప్పిగా ఉన్నా.. దాన్ని క్యాన్సర్ కణతిగా భావించాల్సి ఉంటుంది. అయితే చాలా వరకు క్యాన్సర్లను ఆరంభ దశలో గుర్తిస్తే చికిత్స చేయడం సులభతరమవుతుంది. దీంతోపాటు కింద సూచించిన పలు ఆహార పదార్థాలను నిత్యం తీసుకుంటే దాంతో క్యాన్సర్ రాకుండా చూసుకోవచ్చు. క్యాన్సర్ వ్యాధికి చెక్ పెట్టే ఆ ఆహారాలేంటో చూద్దాం..
పసుపులో శరీరానికి ఉపయోగపడే ఔషధ గుణాలెన్నో ఉంటాయి. ఇందులో ఉండే కర్క్యుమిన్ యాంటీ ఆక్సిడెంట్, యాంటీ ఇన్ఫ్లామేటరీ ఏజెంట్ మాదిరి పనిచేస్తుంది. యాంటీ క్యాన్సర్ ఔషధంగా కూడా పసుపు పనిచేస్తుంది. దీనివల్ల క్యాన్సర్ కణాలు వృద్ధిచెందకుండా ఉంటాయి. నిత్యం ఆహారంలో 3 టీస్పూన్ల పసుపు తీసుకుంటే క్యాన్సర్ రాకుండా చూసుకోవచ్చు.
టమాటాలు తదితర ఆహార పదార్థాలను నిత్యం తీసుకుంటే క్యాన్సర్ రాకుండా అడ్డుకోవచ్చు.
బ్లూబెర్రీలు, స్ట్రాబెర్రీలు, రాస్ బెర్రీలను నిత్యం తింటూ ఉంటే.. అవి క్యాన్సర్ కణాలతో పోరాడి, వాటిని నాశనం చేస్తాయి.