బయటి శబ్ధాలు వినిపించకుండా ఉండాలంటే బెడ్‌‌రూమ్‌ గోడలకి ఇలా చేయండి

హాయిగా నిద్రపోవటం అన్నది నిజంగా ఓ గొప్ప వరం. పగలంతా తీరిక లేకుండా పనిచేస్తున్న అవయవాలు చక్కటి నిద్రలో సేదతీరకపోతే మరుసటి రోజు ఉదయానికి శరీరానికి శక్తీ లభించదు. పసిబిడ్డలు పెరిగేందుకు దోహదం చేసే హార్మోన్ నిద్రలోనే వస్త్తుంది. నిద్రపోతేనే చక్కగా ఎదుగుతారని అంటారు. నిద్రకి అంత శక్తీ ఉంది. ఆరోగ్యాన్ని ఇచ్చే నిద్ర పట్టకపోతే అన్నీ అనారోగ్యాలే. ఏ వయసు వారైనా హాయిగా నిద్రపోలేక పోతే ఆ నిద్రలేమి వల్ల తీవ్రమైన నిరాశ నిస్పృహల్లో కూరుకుపోయి కుంగుబాటుకు గురవుతారు. ఒక అధ్యయనం ప్రకారం మిగతా కారణాల వల్ల వచ్చే డిప్రెషన్స్ కన్నా, నిద్రలేమి వల్ల కుంగుబాటు ఏడురెట్లు ఎక్కువ ఇబ్బంది పెడుతోందని చెబుతోంది. అసలు నిద్రలేకుండా మనిషి 11 రోజులు మించి బతకలేడంటారు వైద్యులు. నిద్ర విలువ తెలుసుకొని, ఇతర వ్యాపకాలతో నిద్రను దూరం చేసుకోవద్దంటారు.

రూమ్ క్లైమేట్‌లో కలర్స్ కీ రోల్ పోషిస్తాయి. ముఖ్యంగా బెడ్ రూమ్ వాల్ పెయింట్ కలర్ నిద్ర నాణ్యతను బాగా ప్రభావితం చేస్తుందని చాలా మందికి తెలియదు. సౌకర్యవంతమైన వాతావరణాన్ని అందించడంతో పాటు, సరైన బెడ్ రూమ్ పెయింట్ రంగును ఎంచుకోవడం మానసిక ఆరోగ్యంపై మంచి ప్రభావాన్ని చూపుతుంది.అలసటతో కూడిన పనుల తర్వాత రెస్ట్ తీసుకునే ప్రదేశం బెడ్‌ రూమ్. దురదృష్టవశాత్తు, చాలా మందికి సరైన వాల్ పెయింట్ కలర్‌ని ఎలా సెలెక్ట్ చేసుకోవాలో తెలియదు. నిజానికి, ప్రతి కలర్‌ డిఫరెంట్. ఒక్కోదానికి ఒక్కో స్పెషాలిటీ ఉంటుంది. సరిగ్గా లేని కలర్స్ ఎంపిక చిరాకు తెప్పిస్తుంది. మానసిక స్థితిపై ప్రభావితం చూపుతాయి. బెడ్ రూమ్ గోడపై మెరుస్తున్న షైనీ కలర్స్‌తో ప్రయోగాలు చేయొద్దు. సాఫ్ట్ కలర్స్ బెడ్ రూములకి బాగా సరిపోతాయి. ఇవి మంచి నిద్రకి కూడా సాయపడతాయి.